ინგუშეთში ე.წ. ისლამური სახელმწიფოს ოთხი მხარდამჭერი დააკავეს, რომლებიც ტერაქტებს გეგმავდნენ, - ინფორმაციას რუსული მედია უსაფრთხოების სამსახურზე დაყრდნობით ავრცელებს.

მათივე ინფორმაციით, დაკავებულებს თვითნაკეთი ასაფეთქებელი მოწყობილობების გამოყენებით სამართალდამცავებზეც თავდასხმების მოწყობაც ჰქონდათ განზრახული.

რუსეთის უსაფრთხოების სამსახურის ინფორმაციით, თავიანთი საქმიანობის კოორდინაციის მიზნით, დაკავებულებმა ინტერნეტის საშუალებით კონტაქტი დაამყარეს „ისლამური სახელმწიფოს“ წევრებთან.

მათ აღმოაჩნდათ ცეცხლსასროლი და ცივი იარაღი, თვითნაკეთი ასაფეთქებელი და ცეცხლგამჩენი მოწყობილობები. ასევე, მათი წარმოებისთვის საჭირო მასალა და მოწყობილობა.