აზერბაიჯანი სომხეთთან ურთიერთობების ნორმალიზებისთვის მზადაა, - აზერბაიჯანული მედიის ინფორმაციით, ამის შესახებ ქვეყნის საგარეო საქმეთა მინისტრმა ჯეიჰუნ ბაირამოვმა განაცხადა.
მისი თქმით, აზერბაიჯანის წინააღმდეგ ათწლეულების განმავლობაში განხორციელებული აგრესიული პოლიტიკის მიუხედავად, აზერბაიჯანი მზად არის, მეზობელ სახელმწიფოსთან ურთიერთობის ნორმალიზება საერთაშორისო სამართლის პრინციპებზე დაყრდნობით მოახდინოს.
ჯეიჰუნ ბაირამოვმა ხაზი გაუსვა, რომ იგივე პოზიცია ქვეყნის პრეზიდენტმა, ილჰამ ალიევმაც გააჟღერა.