მექსიკის სამხრეთ -დასავლეთ ნაწილში, გეროროს შტატში, კურორტ აკაპულკოსთან ახლოს, წუხელ ძლიერი მიწისძვრა მოხდა, რასაც მინიმუმ ერთი ადამიანის სიცოცხლე ემსხვერპლა, - ინფორმაციას Reuters-ი ავრცელებს.

7.0 მაგნიტუდის სიმძლავრის მიწისძვრის შედეგად წაიქცა ხეები, მთებიდან ჩამოცვივდა უზარმაზარი ლოდები, რამდენიმე შტატში ელექტროენერგია გაითიშა.

მექსიკის სახელმწიფო ელექტროსადგურმა განაცხადა, რომ დედაქალაქ მეხიკოში, ასევე გერეროს, მორელოსისა და ოახაკას შტატებში ელექტროენერგიის გარეშე 1.6 მილიონი აბონენტი დარჩა.

შეგახსენებთ, მექსიკის დედაქალაქში 1985 წელს ძლიერი მიწისძვრა მოხდა, რის შედეგად ათასობით ადამიანი დაიღუპა.