ირაკლი ზარქუა სააკაშვილზე - ჩამოვა თუ არა, ჩვენთვის მეათეხარისხოვანია, ეს იდარდოს მისმა ამომრჩეველმა, რომელიც 15-ჯერ "ააყირავა"

ჩამოვა თუ არა, ჩვენთვის მეათეხარისხოვანია, ეს იდარდოს მისმა ამომრჩეველმა, რომელიც 15- ჯერ "ააყირავა", - ამის შესახებ ჟურნალისტებთან საპარლამენტო უმრავლესობის წევრმა ირაკლი ზარქუამ განაცხადა, რითაც ყოფილი პრეზიდენტის, მიხეილ სააკაშვილის მიერ საქართველოში დაბრუნების დაანონსებას გამოეხმაურა.

ზარქუას თქმით, სააკაშვილის აღარც საკუთარ თანაპარტიელებს სჯერათ.

"სადღაც 15 - ჯერ დაანონსა ამ ადამიანმა, რომ მოდის, ხან გვირაბით, ხან ჰაერით, ხან ზღვით, არც ერთხელ არ ჩამოსულა. ჩვენთვის მეათეხარისხოვანია, ეს გაკოტრებული პოლიტიკოსი ჩამოვა თუ არა, ეს იდარდოს თავისმა ამომრჩეველმა, რომელიც ყოველ 15 ჯერზე "აყირავებულია". მე თუ მკითხავთ, პირიქით, ჩვენთვის კარგი იქნება ჩამოვიდეს, თუ მზად არის, ხვალვე ჩარტერს (გავუგზავნით), რაღაცას ვიზამთ, რომ ჩამოვიდეს, აგერ არის შესაბამისი პროცედურები, გაივლის და აღმოჩნდება იქ, სადაც საჭიროა. გუშინ იაგო ხვიჩია დასდევდა მთელი დღე მის თანაგუნდელებს, დამენიძლავე რომ ჩამოვაო, არ სჯერა ამას, ერთი კაცი ვერ ნახა, დანიძლავებოდა, რადგან პარტიაშიც ზუსტად იციან, რომ აფერისტობს,"- განაცხადა ზარქუამ.

ალექსანდრე თვალჭრელიძე - არ შემეშინდება გითხრათ, რომ არჩევნების შემდეგ ჩვენ განსხვავებულ პოლიტიკურ სტრუქტურას მივიღებთ
ქართული პრესის მიმოხილვა 27.09.2021
რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
წინანდლის ფესტივალის პრესსამსახური განცხადებას ავრცელებს
ქართველმა მეცნიერებმა და ევროკავშირის დაძმობილების პროექტის ექსპერტებმა "მწვანე გარიგების” პერსპექტივები განიხილეს