გიგა ბოკერია - საგადასახადო წნეხი, კორუფცია და გაუმართავი მართლმსაჯულება არის მიზეზი იმისა, რომ უცხოელი ინვესტორები აღარ დებენ ფულს საქართველოში

საგადასახადო წნეხი, კორუფცია და გაუმართავი მართლმსაჯულება არის მიზეზი იმისა, რომ უცხოელი ინვესტორები აღარ დებენ ფულს საქართველოში, - ამის შესახებ „ევროპული საქართველოს“ თავმჯდომარე გიგა ბოკერიამ განაცხადა.

მისი თქმით, მთავრობამ ქვეყანაში კორუფცია დააბრუნა.

„საერთო სურათი გვაქვს წლებია, თუმცა ბოლო წლებია კიდევ უფრო დამძიმდა საქართველოში, რადგან მთავრობა ზრდის გადასახადებსა და რეგულაციებს, კორუფცია დააბრუნა, როგორც თამაშის წესი და არ არსებობს სასამართლოში უცხოელი ინვესტორებისთვის მინიმალური გარანტიებიც კი დაცულობის. კლასიკური კორუმპირებული, ავტორიტარული სისტემა აქვთ შემუშავებული და ეს არის ფაქტორი იმ გლობალურ კონკურენციაში, რომ საქართველოში ინვესტორები ფულის ჩადებას ერიდებიან. ამის შედეგია გაუფასურებული ლარის კურსი, ინფლაცია და ასეთ დროს მთავრობა უტიფრად გვეუბნება, რომ გადასახადებს არ დაწევს, მათ შორის, საწვავზე, არ შევამცირებ საგადასახადო წნეხს - ესეც სიგნალია ინვესტორებისთვის. ეს ყველაფერი ურთიერთკავშირშია და საბოლოო ჯამში ურტყამს საშუალო კლასს და გაჭირვებულებს", - განაცხადა ბოკერიამ.

ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
გრიგორი კუკურუზა - ომით მიყენებული ზარალი დაახლოებით 1,1-1,2 ტრილიონ აშშ დოლარს შეადგენს - უკრაინას იმედი აქვს, რომ ქვეყნის აღსადგენად სახსრებს აგრესორი რუსეთისგან მიიღებს
ქართული პრესის მიმოხილვა 28.11.2022
რეალური შავი პარასკევი „ჰუალინგ პლაზაში“ – გაიგეთ შეთავაზების დეტალები
„სმარტ კაპიტალმა“ ედიშერ და გიგი გარაყანიძეების სახელობის სტიპენდიატები დააჯილდოვა
პეტროკას ენერჯი ჯგუფი და სანპეტროლიუმ ჯორჯია განცხადებას ავრცელებენ