გაერთიანებული სამეფოს პრემიერ-მინისტრის, ბორის ჯონსონის განცხადებით, ბრიტანეთს ავღანეთის დროებით მთავრობაში ხელმძღვანელობის მრავალფეროვანი ჯგუფის ხილვა სურდა, თუმცა ეს არ არის ის, რაც ლონდონმა რეალურად იხილა.
"გავაგრძელებთ თალიბანის განსჯას მათი ქმედებების შესაბამისად. გვსურდა, გვეხილა ხელმძღვანელობის მრავალფეროვანი ჯგუფი, რომელიც ცდილობს, შეასრულოს დაპირებები, რომლებიც „თალიბებმა“ თავად წამოაყენეს და ეს არ არის ის, რაც ჩვენ ვნახეთ", - ნათქვამია ბორის ჯონსონის პრესსპიკერის მიერ გავრცელებულ განცხადებაში.
შეგახსენებთ, „თალიბანის“ ოფიციალურმა წარმომადგენელმა ზაბიჰულა მუჯაჰიდმა ავღანეთის ახალი მთავრობის შემადგენლობა გუშინ დაასახელა. დღეს განცხადება გაავრცელა აშშ-ის სახელმწიფო დეპარტამენტმა, სადაც აღნიშნულია, რომ ავღანეთის ახალი მთავრობის შემადგენლობით შეშფოთებულები არიან.