ჰეიკო მაასი - „თალიბანს“ უნდა ესმოდეს, რომ საერთაშორისო იზოლაცია მის ინტერესებში არ შედის

„თალიბანს“ უნდა ესმოდეს, საერთაშორისო იზოლაცია არ შედის მის, და განსაკუთრებით ავღანელი ხალხის, ინტერესებში, - ამის შესახებ გერმანიის საგარეო საქმეთა მინისტრმა ჰეიკო მაასმა აშშ-ის სახელმწიფო მდივან ენტონი ბლინკენთან შეხვედრის შემდეგ განაცხადა.

მისი თქმით, „თალიბანის“ მიერ წარდგენილი არაინკლუზიური დროებითი მთავრობა "არ არის სიგნალი ქვეყანაში მეტი საერთაშორისო თანამშრომლობისა და სტაბილურობისთვის".

”ვიმედოვნებთ, რომ მთავრობის ფორმირების პროცესში, რომელიც არ დასრულებულა, შემდგომში ამისთვის საჭირო სიგნალები გაიგზავნება”, - აღნიშნა მაასმა.

მისივე თქმით, „თალიბანის“ ხელისუფლებაში მოსვლაში ავღანელი ხალხი არ არის დამნაშავე და ისინი არ იმსახურებენ, რომ საერთაშორისო საზოგადოებამ ზურგი აქციოს.

მაასმა ხაზი გაუსვა, რომ ავღანეთს ჰუმანიტარული კრიზისი ემუქრება.

„თუ ახალი მთავრობა ვერ შეძლებს სახელმწიფო საქმეების მართვას, მაშინ, პოლიტიკურის შემდეგ, ეკონომიკური კოლაფსის საფრთხეც არსებობს - კიდევ უფრო სასტიკი ჰუმანიტარული შედეგებით”, - განაცხადა გერმანიის საგარეო უწყების ხელმძღვანელმა.

ენტონი ბლინკენმა, თავის მხრივ, განაცხადა, რომ „თალიბანს“ მოუწევს იმუშაოს იმისთვის, რომ საერთაშორისო საზოგადოებამ ლეგიტიმურ მთავრობად ჩათვალოს.

"“თალიბანს“ სურს საერთაშორისო ლეგიტიმურობა. ნებისმიერ ლეგიტიმურობას - ნებისმიერ მხარდაჭერას - დამსახურება უნდა", - განაცხადა ბლინკენმა.

გერმანიის საგარეო საქმეთა მინისტრმა ჰეიკო მაასმა და აშშ -ის სახელმწიფო მდივანმა ანტონი ბლინკენმა მოლაპარაკებები რამსტეინის საავიაციო ბაზაზე გამართეს და ერთობლივად უმასპინძლეს რამდენიმე ქვეყნის საგარეო საქმეთა მინისტრებთან ვირტუალურ შეხვედრას.

იხილეთ ვიდეო:ჰეიკო მაასი - „თალიბანს“ უნდა ესმოდეს, რომ საერთაშორისო იზოლაცია მის ინტერესებში არ შედის

ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
გრიგორი კუკურუზა - ომით მიყენებული ზარალი დაახლოებით 1,1-1,2 ტრილიონ აშშ დოლარს შეადგენს - უკრაინას იმედი აქვს, რომ ქვეყნის აღსადგენად სახსრებს აგრესორი რუსეთისგან მიიღებს
ქართული პრესის მიმოხილვა 28.11.2022
PSP განცხადებას ავრცელებს