“არ დავნიშნოთ უზენაესი სასამართლოს მოსამართლეები?! დღეს უზენაეს სასამართლოში დიდი პრობლემა გვაქვს, რადგან ბევრი საქმეა და სასამართლო გადატვირთულია. ყველა ის რეკომენდაცია, რაც საერთაშორისო ორგანიზაციებს ჩვენს მიმართ აქვთ, მაქსიმურად გათვალისწინებულია.უფრო მეტსაც გეტყვით - ჩვენ ვთხოვეთ კიდეც: აბა რეკომენდაციების რომელი პუნქტი არ შევასრულეთ და პასუხი დღემდე არ მიგვიღია. ასე რომ, გაგრძელდება პროცესი, რასაც ჩვენი კონსტიტუცია და კანონმდებლობა ითვალისწინებს", - განაცხადა ირაკლი ზარქუამ.
პარლამენტი იუსტიციის უმაღლესი საბჭოს მიერ უზენაესი სასამართლოს მოსამართლის ვაკანტურ თანამდებობაზე წარდგენილი კანდიდატის არჩევასთან დაკავშირებულ პროცედურას იწყებს. კანონმდებლებს უზენაეს სასამართლოში ასარჩევად გენადი მაკარიძის კანდიდატურა წარედგინა. პარლამენტის იურიდიულ საკითხთა კომიტეტი დღევანდელ სხდომაზე, მოსამართლეობის კანდიდატის კონსტიტუციისა და კანონის მოთხოვნებთან შესაბამისობის დადგენის მიზნით, სამუშაო ჯგუფს შექმნის.