ქაბულის აეროპორტიდან პირველი საერთაშორისო სამგზავრო რეისი შესრულდა მას შემდეგ, რაც დასავლურმა ქვეყნებმა ავღანეთიდან მოქალაქეების ევაკუაცია დაასრულეს.
„ალ-ჯაზირას“ ინფორმაციით, რეისი „კატარის ავიახაზებმა“ განახორციელა.
„ეს არის ისტორიული დღე ავღანეთისთვის, ვინაიდან, ქაბულის აეროპორტი სრულად ამოქმედდა. უზარმაზარი გამოწვევების წინაშე ვიდექით, მაგრამ ახლა შეგვიძლია ვთქვათ, რომ აეროპორტი შესაფერისია ნავიგაციისათვის“, - აღნიშნა კატარის სპეციალურმა წარმომადგენელმა ავღანეთში მუთლაქ ალ-ყატანმა.
„კატარის ავიახაზების“ თვითმფრინავი ქაბულიდან დოჰაში გაემგზავრა.
შეგახსენებთ, მანამდე გავრცელდა ინფორმაცია, რომ „თალიბანი“ 200-მდე ადამიანის, მათ შორის აშშ-ის მოქალაქეების, ქვეყნიდან გაშვებას დასთანხმდა.