მოლდოვაში 11 სექტემბრიდან 31 ოქტომბრამდე საგანგებო მდგომარეობა გამოცხადდა, რაც ქვეყანაში კორონავირუსით დაინფიცირებულთა რაოდენობის ზრდას უკავშირდება.
საგანგებო სიტუაციის შესახებ განცხადება ქვეყნის ჯანდაცვის მინისტრმა ალა ნამერენკომ გამოაცხადა. გადაწყვეტილება კი საგანგებო სიტუაციათა ეროვნულმა კომისიამ მიიღო.
მინისტრის განცხადებით, ამის გარდა შეიქმნება ახალი პირობები 18 წელს ზემოთ ადამიანთა ღია და დახურულ სივრცეებში ღონისძიებებში მონაწილეობის შესახებ. მათ დასჭირდებათ ვაქცინაციის შესახებ მოწმობა, რომელიც დაადასტურებს მათი იმუნიზაციის სრულ გრაფიკს. ასევე დაშვებული იქნება იმ სერტიფიკატის წარმოდგენა, რომელიც ანტისხეულების არსებობას დაადასტურებს.
ადგილობრივი მედიის ინფორმაციით, ქვეყანაში გასული კვირის განმავლობაში კორონავირუსით დაინფიცირებულთა რაოდენობა 26 %-ით გაიზარდა. მათგან 80 % აცრილი მოსახლეობაა. ასევე, 30 %-ით გაიზარდა ბავშვთა შორის დაინფიცირების მაჩვენებელი.