ჯო ბაიდენმა და სი ძინპინმა ტელეფონით ისაუბრეს

აშშ-ის პრეზიდენტმა ჯო ბაიდენმა და ჩინეთის პრეზიდენტმა სი ძინპინმა სატელეფონო საუბარი გამართეს.

„გაიმართა ფართო, სტრატეგიული დისკუსია, მათ შორის სფეროებში, სადაც ჩვენი ინტერესები ემთხვევა და სფეროებში, სადაც ჩვენი ინტერესები, ღირებულებები და პერსპექტივები განსხვავდება,“- ნათქვამია თეთრი სახლის მიერ გავრცელებულ განცხადებაში.

მათივე განმარტებით, პრეზიდენტებმა ხაზი გაუსვეს, რომ საჭიროა პასუხისმგებლობის გამოჩენა იმისთვის, რომ ორ ქვეყანას შორის კონკურენცია კონფლიქტში არ გადაიზარდოს.

„ორმა ლიდერმა განიხილა ორივე ქვეყნის პასუხისმგებლობა იმის უზრუნველსაყოფად, რომ კონკურენცია არ გადავიდეს კონფლიქტში,“- აცხადებენ თეთრ სახლში.

მათივე ინფორმაციით, საუბარი ასევე შეეხო ეკონომიკურ საკითხებს, კლიმატის ცვლილებას და კოვიდ 19-ის პანდემიას.

Reuters-ი წერს, რომ ვაშინგტონსა და პეკინს შორის ურთიერთობები ათწლეულების მანძილზე ყველაზე დაბალ ნიშნულზეა და ორმა პრეზიდენტმა მხოლოდ მეორედ ისაუბრა მას შემდეგ, რაც ჯო ბაიდენმა იანვარში აშშ-ის პრეზიდენტის თანამდებობა დაიკავა. ჯო ბაიდენსა და სი ძინპინს შორის პირველი სატელეფონო საუბარი თებერვალში გაიმართა.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
(სტერეოტიპული) წარმოდგენები ცვალებადი გარემოებების პირისპირ: იდეალიზმიდან რეალიზმისაკენ
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს