ლიბანის ფრაქციებმა ახალი მთავრობა შექმნეს და ამით ის 13-თვიანი ჩიხი დაასრულეს, რამაც ქვეყანა ფინანსურ ქაოსსა და სიღარიბეში ჩაძირა.

24 მინისტრისგან შემდგარი ახალ კაბინეტი, რომელსაც მილიარდერი ბიზნესმენი ნაჯიბ მიქატი უხელმძღვანელებს, პრეზიდენტის ოფისმა წარადინა.

გამოცემა France24-ი წერს, რომ ბიზნესმენ მიქატის, რომელიც ლიბიის ერთ-ერთი უმდიდრესი ადამიანია, ახალი მთავრობის ფორმირება ივლისში დაავალეს. მას ლიბიის პრემიერ-მინისტრის თანამდებობა 2005 წელს და 2011-2013 წლებში ეკავა.

ლიბანი სრულად უფლებამოსილი მთავრობის გარეშე ბეირუთის პორტში, 2020 წლის 4 აგვისტოს მომხდარი აფეთქების შემდეგ იყო. ტრაგიკულმა აფეთქებამ მაშინდელი პრემიერ-მინისტრის, ჰასან დიაბის მთავრობა აიძულა, გადამდგარიყო. იმ დროის შემდეგ ერთმანეთთან დაპირისპირებული პოლიტიკური ჯგუფები ახალი მთავრობის ფორმირებაზე ვერ თანხმდებოდნენ, რამაც ქვეყნის ეკონომიკური მდგომარეობა გააუარესა.