რუსეთში, ბოლო 24 საათის განმავლობაში, კორონავირუსის 18 554 ახალი შემთხვევა დაფიქსირდა და 788 ადამიანი გარდაიცვალა, - ინფორმაციას ადგილობრივი მედია ოპერატიულ შტაბზე დაყრდნობით ავრცელებს.
რუსეთში ჯამში, ინფიცირების 7.1 მილიონი შემთხვევაა დადასტურებული, აქედან ვირუსს 192 749 ადამიანი ემსხვერპლა, გამოჯანმრთელდა 6.3 მილიონი პაციენტი.
პლატფორმა worldometer-ზე გამოქვეყნებული სტატისტიკის თანახმად, კოვიდინფიცირებული პაციენტების რაოდენობის მიხედვით, რუსეთი აშშ-ის, ინდოეთის, ბრაზილიისა და გაერთიანებული სამეფოს შემდეგ მსოფლიოში მე-5 ადგილზეა.