სოციალ -დემოკრატების (SPD) კანდიდატმა ოლაფ შოლცმა, რომელიც გერმანიის კანცლერობისთვის იბრძვის, სატელევიზიო დებატებში კონკურენტები, კონსერვატიული ბლოკის „ქრისტიან დემოკრატიული კავშირისა" და „ბავარიის ქრისტიან-სოციალური კავშირის“ კანდიდატი არმინ ლაშეტი და „მწვანეების“ ლიდერი ანალენა ბერბოკი, დაამარცხა.
გერმანიის საზოგადოებრივ მაუწყებელ ARD-ზე გამართული 90 - წუთიანი დებატების შემდეგ ჩატარებული გამოკითხვის შედეგების თანახმად, მაყურებლების 41% აზრით, ყველაზე დამაჯერებელი ოლაფ შოლცი იყო, 27%-მა ყველაზე დამაჯერებელ კანდიდატად არმინ ლაშეტი დაასახელა, 25%-მა კი - ანალენა ბერბოკი.
ამასთან, კვირას ცნობილი გახდა INSA-ს მიერ გერმანიაში ჩატარებული გამოკითხვის შედეგები, რომლის თანახმადაც, სოციალ -დემოკრატების რეიტინგი წინა კვირასთან შედარებით კიდევ ერთი პროცენტით, 26%-მდე გაიზარდა, რაც ყველაზე მაღალი მაჩვენებელია პარტიისთვის 2017 წლის ივნისის შემდეგ.
კონსერვატორებს გამოკითხულთა 20%-ა დაუჭირა მხარი, „მწვანეებს“ კი - 15%-მა. შეგახსენებთ, გერმანიის ფედერალური არჩევნები 26 სექტემბერს გაიმართება.