ნათია თურნავას განცხადებით, უახლოეს პერიოდში წყალტუბოში სანატორიუმებს ხელისუფლება საპრივატიზებოდ გამოიტანს

ეკონომიკისა და მდგრადი განვითარების მინისტრის ნათია თურნავას განცხადებით, უახლოეს პერიოდში წყალტუბოში სანატორიუმის შენობებს ხელისუფლება საპრივატიზებოდ გამოიტანს, სხვადასხვა საინვესტიციო ვალდებულებებით. მინისტრი დარწმუნებულია, რომ ამ მიმართულებით ბიზნესის ინტერესი მაღალი იქნება.

„2 წლის წინ დაანონსებული გეგმა, სწორედაც რომ აღსრულების ეტაპზეა. იცით, რომ ინფრასტრუქტურის სამინისტრომ დაუკვეთა და საკმაოდ საინტერესო გენერალური განვითარების გეგმა დაიდო, რომლის საჯარო განხილვებიც გაიმართა. პარალელურად, სახელმწიფო ამზადებს იქ არსებულ სახელმწიფო სანატორიუმებს და შენობებს საპრივატიზებოდ, საკმაოდ მიმზიდველია ბიზნესისთვის ეს. ამიტომაც ხდება გეგმაზომიერად დევნილთა განსახლება, ეს კიდევ ცალკე პროგრამაა და იცით, რომ ათასობით დევნილმა მიიღო კეთილმოწყობილი ბინები, ჯანდაცვის სამინისტროს ეგიდით მიმდინარეობს ეს და რა თქმა უნდა, ეს ყველაფერი ერთიანობაში მოგვცემს საშუალებას, ახლო პერიოდში უკვე საპრივატიზებოდ გამოვიტანოთ იქ არსებული შენობები სხვადასხვა საინვესტიციო ვალდებულებით და ჩვენ დარწმუნებულები ვართ, რომ საკმაოდ მაღალი იქნება ბიზნესის ინტერესი. ბატონმა ბიძინამ მისცა ძალიან დიდი სტიმული ამ კურორტის განვითარებას. ის, მოგეხსენებათ, წლების განმავლობაში სოციალურ ინვესტიციებს ახორციელებს, რაც არ არის მომგებიანი და მოგებაზე ორიენტირებული,“- განაცხადა თურნავამ.

ალექსანდრე თვალჭრელიძე - არ შემეშინდება გითხრათ, რომ არჩევნების შემდეგ ჩვენ განსხვავებულ პოლიტიკურ სტრუქტურას მივიღებთ
ქართული პრესის მიმოხილვა 27.09.2021
რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
წინანდლის ფესტივალის პრესსამსახური განცხადებას ავრცელებს
ქართველმა მეცნიერებმა და ევროკავშირის დაძმობილების პროექტის ექსპერტებმა "მწვანე გარიგების” პერსპექტივები განიხილეს