მძიმედ შეიარაღებულმა პირებმა ნიგერიაში, კოგის შტატში ციხე დაარბიეს, რომლის შედეგადაც საპატიმროდან 266 პატიმარი გაათავისუფლეს. ამ ინფორმაციას Reuters-ი ავრცელებს.
სასჯელაღსრულების სამსახურის წარმომადგენლის განცხადებით, თავდამსხმელებმა იერიში ცეცხლსასროლი იარაღით ციხის დაცვის თანამშრომლებზე მიიტანეს.
თავდასხმის შედეგად დაკავებულთა უმეტესობა ციხიდან გაიქცა.
Reuters-ის ინფორმაციით, თავდასხმას ჯარისკაცი და პოლიციელი ემსხვერპლნენ, ციხის დაცვის 2 წევრი კი დაკარგულად ითვლება. როგორც ცნობილია, შენობაში აფეთქების დროს სულ 294 პატიმარი იმყოფებოდა.