გასული დღე-ღამის განმავლობაში, უკრაინის გაერთიანებული ძალების ოპერაციის რაიონში, რუსეთის მხრიდან ცეცხლის შეწყვეტის შეთანხმების რეჟიმი 12-ჯერ დაირღვა, დაიღუპა ერთი უკრაინელი მებრძოლი, - ამის შესახებ ინფორმაციას უკრაინული მედია ავრცელებს.
მათივე ცნობით, რუსული მხარე მინსკის შეთანხმებებით აკრძალულ შეიარაღებას იყენებდა.
„მტრის მიერ გახსნილი ცეცხლის შედეგად, უკრაინის გაერთიანებული ძალების სამხედრო მოსამსახურემ სიცოცხლესთან შეუთავსებელი ჭრილობები მიიღო“, - აღნიშნულია უკრაინის გაერთიანებული ძალების ინფორმაციაში.