რომის პაპი ფრანცისკე აცხადებს, რომ ადამიანებმა ჯვრები პოლიტიკურ სიმბოლოდ და პარტიული მიზნებისთვის არ უნდა გამოიყენონ.

პაპმა სლოვაკეთში შეკრებილ ათასობით მორწმუნეს მიმართა და განაცხადა, რომ ბევრ ქრისტიანს ჯვარი და ჯვარცმა კისერზე, შენობების კედლებსა და ავტომობილებში აქვთ დაკიდებული, თუმცა იესოსთან რეალური კავშირი არ აქვთ.

„რა არის ამაში კარგი, თუკი ჩვენ იესოსთვის გულებს არ გავხსნით. მოდით, ნუ დავამცირებთ ჯვარს პოლიტიკურ სიმბოლომდე“- განაცხადა პაპმა.

რომის პაპი სლოვაკეთის ქალაქ პრეშოვში ჩაფრინდა, სადაც მან საღმრთო ლიტურგია ჩაატარა.