ჩეხეთის პრეზიდენტი მილოშ ზემანი ჰოსპიტალიზებულია. ის პრაღის ცენტრალურ სამხედრო ჰოსპიტალში მოათავსეს. ამის შესახებ ადგილობრივი მედია იუწყება.

სახელმწიფოს მეთაურის კანცელარიაში დამატებით ინფორმაციას არ ავრცელებენ, თუ რა გახდა ქვეყნის მეთაურის ჰოსპიტალიზაციის მიზეზი. მანამდე 76 წლის ზემანი საავადმყოფოში არაერთხელ მოხვდა. ჩეხეთის მედია წერს, რომ მას საავადმყოფოში ყოფნა ხანგრძლივად მოუწევს.

მათივე ცნობით, პრეზიდენტს ქვედა კიდურების ნევროპათია აწუხებს, რის გამოც მას გადაადგილება უჭირს.

ამასთან, ცნობილი გახდა, რომ საავადმყოფოში მოხვდა ზემანის წინამორბედი ვაცლავ კლაუსი. 80 წლის ექსპრეზიდენტის ჰოსპიტალიზაციას მაღალ არტერიულ წნევას უკავშირდება