აშშ-ს ყოფილი პრეზიდენტები - ბუში, კლინტონი და ობამა ავღანელი ლტოლვილების დასახმარებლად ერთიანდებიან

აშშ-ს სამი ყოფილი პრეზიდენტი- "რესპუბლიკელი" ჯორჯ ბუში, "დემოკრატები" ბილ კლინტონი და ბარაკ ობამა ავღანელი ლტოლვილების დასახმარებლად ერთიანდებიან. ინფორმაციას Reuters ავრცელებს.

აშშ-ის ყოფილ ლიდერებთან ერთად პროცესში მონაწილეობას მათი მეუღლეებიც მიიღებენ. კოალიციაში ,,Welcome US” ყოფილი პრეზიდენტების განცხადებით, ადვოკატირების ჯგუფები, ამერიკული ბიზნესმენები და სხვადასხვა ლიდერებიც იქნებიან.

მათი თქმით, გაერთიანება მოხალისეების მობილიზებით ათიათასობით ავღანელს დაეხმარება, რომლებიც ქვეყანას ბაიდენის ადმინისტრაციის ევაკუაციის გეგმის ფარგლებში დატოვებენ .

,,ათასობით ავღანელი იდგა ჩვენთან ერთად ბრძოლის წინა ხაზზე უსაფრთხო მსოფლიოს შესაქმნელად და მათ ახლა ჩვენი დახმარება სჭირდებათ. ამაყები ვართ და მივესალმებით ამ კოალიციას, რომლის ფარგლებშიც ავღანელ ოჯახებს ახალი ცხოვრების დაწყებაში დავეხმარებით“-ვკითხულობთ ჯორჯ და ლაურა ბუშების მიერ გამოქვეყნებულ განცხადებაში.

ყოფილი პრეზიდენტი, რესპუბლიკელი დონალდ ტრამპი, რომელმაც მოქმედი პრეზიდენტი ჯო ბაიდენი ამერიკული ჯარების გამოწვევის გადაწყვეტილების გამო გააკრიტიკა, კოალიციაში არ მიუწვევიათ. ასევე, ჯანმრთელობის მდგომარეობის გამო არ მიუწვევიათ 96 წლის დემოკრატი პრეზიდენტ ჯიმი კარტერი.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს