ავღანეთში ათასობით ადამიანმა „თალიბების“ წინააღმდეგ საპროტესტო აქცია გამართა

ავღანეთის ქალაქ ყანდაარში „თალიბების“ წინააღმდეგ ათასობით ადამიანმა პროტესტი გამოხატა.

დემონსტრანტები გუბერნატორის სახლის წინ მას შემდეგ შეიკრიბნენ, რაც დაახლოებით 3 000 ოჯახს ერთ-ერთი დასახლების დატოვება მოსთხოვეს.

ტერიტორია, ძირითადად, პენსიაზე გასული არმიის გენერლებისა და ავღანეთის უსაფრთხოების ძალების სხვა წევრების ოჯახებითაა დასახლებული.

ოჯახებს, რომელთა ნაწილი აღნიშნულ დასახლებაში 30 წელზე მეტია ცხოვრობს, ტერიტორიის დასატოვებლად სამი დღის ვადა მისცეს.

ცნობისათვის, „თალიბანმა“ ავღანეთის დედაქალაქი ქაბული ერთი თვის წინ აიღო და ქვეყანაში ძალაუფლება ხელში ჩაიგდო. „თალიბები“ ირწმუნებიან, რომ ავღანეთში ადამიანის უფლებები, მათ შორის ყოფილი მთავრობისა და უსაფრთხოების ძალების წევრებისა და ქალების უფლებები, დაცული იქნება. ადამიანის უფლებების საკითხებში გაეროს უმაღლესმა კომისარმა მიშელ ბაჩელეტიმ განაცხადა, რომ „თალიბების“ მიერ აღებული ვალდებულებები არ ემთხვევა რეალობას. მისი თქმით, ბოლო კვირების განმავლობაში ქალები თანდათან გამოირიცხნენ საზოგადოებრივი ასპარეზიდან, „თალიბანმა“ ასევე დაარღვია პირობა, რომ წინა მთავრობასთან დაკავშირებული ყოფილი საჯარო მოხელეებისა და უსაფრთხოების სამსახურის თანამშრომლებისთვის ამნისტიას გამოაცხადებდა.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს