ევროკომისიის პრეზიდენტი ქვეყნებს „არავაქცინირებულთა პანდემიის“ თავიდან აცილებისკენ მოუწოდებს
ევროკომისიის პრეზიდენტი ურსულა ფონ დერ ლაიენი აცხადებს, რომ „არავაქცინირებულთა პანდემიის“ თავიდან ასაცილებლად საჭიროა კორონავირუსის საწინააღმდეგო ვაქცინაციის ტემპის დაჩქარება.
„ჩვენი პირველი და ყველაზე გადაუდებელი პრიორიტეტი არის გლობალური ვაქცინაციის დაჩქარება. მოდით, უზრუნველვყოთ, რომ პანდემია არ გადაიქცეს არავაქცინირებულთა პანდემიად", - აღნიშნა ევროკომისიის ხელმძღვანელმა ყოველწლიური სიტყვით გამოსვლისას.
მისი თქმით, მსოფლიოში ვაქცინაციის ტემპის დაჩქარების მიზნით ევროკავშირი არაწევრ ქვეყნებს ვაქცინების დამატებით 200 მილიონ დოზას მიაწვდის.
”ჩვენ უკვე შევთანხმდით ვაქცინის 250 მილიონი დოზის გაზიარებაზე. დღეს შემიძლია განვაცხადო, რომ ჩვენი მისია მომავალი წლის შუა პერიოდისთვის კიდევ 200 მილიონ დოზას გასცემს,“- აღნიშნა ურსულა ფონ დერ ლაიენმა.
This is a modal window.
v-if="article.gallery" v-html="article.gallery"
