ამერიკის არმიის ჯარისკაცებს, რომლებიც ვაქცინაციაზე უარს აცხადებენ, დათხოვნა ემუქრებათ

ამერიკის არმიის ჯარისკაცები, რომლებიც უარს იტყვიან კორონავირუსის საწინააღმდეგო ვაქცინაციაზე, შესაძლოა სამსახურეობრივი მოვალეობის შესრულებისგან დროებით გაათავისუფლონ ან დაითხოვონ, - Reuters-ის ინფორმაციით, ამის შესახებ აშშ-ის არმიაში განაცხადეს.

„ჯარისკაცები, რომლებიც ვაქცინაზე უარს იტყვიან, პირველ რიგში კონსულტაციას გაივლიან მეთაურებთან და სამედიცინო პროვაიდერებთან, თუმცა უარის გაგრძელების შემთხვევაში ადმინისტრაციული ან არასასამართლო წესით გამოყენებადი სასჯელი შეიძლება გამოიწვიოს, მათ შორის მოვალეობის შესრულებისგან დროებით გათავისუფლება ან დათხოვნა. ეს, ფაქტობრივად, სიკვდილ-სიცოცხლის საკითხია ჩვენი ჯარისკაცებისთვის, მათი ოჯახებისა და იმ საზოგადოებისთვის, რომელშიც ჩვენ ვცხოვრობთ“, - განაცხადა აშშ-ის არმიის ექიმმა, გენერალმა რაიმონდ სკოტ დინგლმა.

აშშ-ის სურსათისა და მედიკამენტების ადმინისტრაციამ აგვისტოში „ფაიზერ/ბიონტექის“ ვაქცინას სრული ავტორიზაცია მიანიჭა, რის შემდეგაც აშშ-ის თავდაცვის მდივანმა ლოიდო სტინმა გამოსცა ბრძანება, რომ ყველა მოქმედი სამხედრო უნდა აიცრას.

აშშ-ის არმიაში აცხადებენ, რომ ამ ბრძანების შესრულება აგვისტოს ბოლოდან დაიწყეს. მათი განმარტებით, ჯარისკაცებს შეუძლიათ მოითხოვონ გამონაკლისის დაშვება ლეგიტიმური სამედიცინო, რელიგიური ან ადმინისტრაციული მიზეზების საფუძველზე.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს