ვლადიმერ ზელენსკი - მივესალმები ევროკომისიის გადაწყვეტილებას უკრაინისთვის მაკროფინანსური დახმარების მეორე ტრანშის გამოყოფის შესახებ

ევროკომისიამ უკრაინისთვის მაკროფინანსური დახმარების მეორე, 600 მილიონი ევროს ოდენობის ტრანშის გამოყოფა დაამტკიცა,- ინფორმაციას უკრაინული მედია ქვეყნის პრეზიდენტ ვლადიმერ ზელენსკისა და პრემიერ-მინისტრ დენის შმიგალზე დაყრდნობით ავრცელებს.

„მივესალმები ევროკომისიის გადაწყვეტილებას უკრაინისთვის 600 მილიონი ევროს ოდენობის მაკროფინანსური დახმარების მეორე ტრანშის გამოყოფის შესახებ. მადლობას ვუხდი ურსულა ფონ დერ ლაიენს და ვალდის დომბროვსკის უკრაინაში განხორციელებული რეფორმების დადებითი შეფასებისთვის“, – წერს უკრაინის პრეზიდენტი ვლადიმირ ზელენსკი „ტვიტერში“.

ევროკავშირს დახმარებისთვის მადლობას უხდის უკრაინის პრემიერი, დენის შმიგალიც და ხაზს უსვამს, რომ ეს ქვეყნის ეკონომიკურ გაჯანსაღებას შეუწყობს ხელს.

„ეს დააჩქარებს ჩვენს ეკონომიკურ გაჯანსაღებას კოვიდ-19– ის პანდემიის შედეგ. ვაღრმავებთ ჩვენს ურთიერთობებს ევროკავშირთან, ვაგრძელებთ რეფორმებს, რომლებიც გააძლიერებს ევროპის მდგრადობას,“- წერს დენის შმიგალი.

უკრაინამ ევროკავშირისგან მაკროფინანსური დახმარების ფარგლებში 600 მილიონი ევროს მოცულობის პირველი ტრანში 2020 წლის დეკემბერში მიიღო.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს