სერგეი ლავროვი - რუსეთი მზადაა, ნატოსთან დიალოგს ხელი შეუწყოს

ჩვენ მზად ვართ ვისაუბროთ, თუმცა პროფესიონალურად და არა ემოციურად, - ამის შესახებ ჟურნალისტებს რუსეთის საგარეო საქმეთა მინისტრმა, სერგეი ლავროვმა, დუშანბეში საგარეო საქმეთა მინისტრების, თავდაცვის მინისტრებისა და ეროვნული უშიშროების საბჭოს მდივნების ერთობლივ შეხვედრაზე განუცხადა. ინფორმაციას რუსული მედია ავრცელებს.

რუსი დიპლომატის თქმით, ნატო ამჟამად მოსკოვის დარწმუნებას ცდილობს, რათა მათ სამხედრო საქმიანობის გამჭვირვალობის შესახებ ,,ვენის დოკუმენტს“ გადახედონ.

სერგეი ლავროვის განმარტებით, დასავლეთმა ბალანსი შეცვალა და ისინი ინსპექციების გამკაცრებას ცდილობენ, რაც მათთვის მისაღები არაა.

,,თუკი ნატო ,,ვენის დოკუმენტის“ პირობებს გააუმჯობესებს , რუსეთი იმ პოზიციებს დაუბრუნდება, რაც მას 1990 წელს ეკავა. ამით კი, ერთმანეთისადმი ნდობის უკეთ უზრუნველყოფა იქნება შესაძლებელი“, - აღნიშნა რუსეთის საგარეო საქმეთა მინისტრმა, სერგეი ლავროვმა.

,,ვენის დოკუმენტი“ ეუთო-ს წევრი ქვეყნების მეირ ხელმოწერილი შეთანხმებაა, რომელიც შეიარაღებული ძალების შესახებ ინფორმაციის გაცვლას ითვალისწინებს. რუსეთი აღნიშნულ დოკუმენტს 1990 წელს შეუერთდა.

ალექსეი მალაშენკო - არავინ იცის როგორ უნდა დასრულდეს რუსეთ-უკრაინის ომი, მათ შორის არც პუტინმა
ქართული პრესის მიმოხილვა 28.11.2022
ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
PSP განცხადებას ავრცელებს