საფრანგეთის პრეზიდენტმა ემანუელ მაკრონმა განაცხადა, რომ საფრანგეთის სამხედრო ძალებმა საჰარაში ე.წ. „ისლამური სახელმწიფოს“ ლიდერი ადნან აბუ ვალიდ ალ-საჰრავის ლიკვიდაცია განახორციელეს.
"ეს არის კიდევ ერთი მნიშვნელოვანი წარმატება საჰელში ტერორისტული დაჯგუფებების წინააღმდეგ ბრძოლაში", - აღნიშნა მაკრონმა, რომელმაც ოპერაციის ჩატარების ლოკაცია არ დააკონკრეტა.
საფრანგეთის პრეზიდენტის ადმინისტრაციის ინფორმაციით, ადნან აბუ ვალიდ ალ-საჰრავი დასავლეთ აფრიკის საჰელის რეგიონში ე.წ. „ისლამური სახელმწიფოს“ ლიდერი იყო. მან 2020 წლის აგვისტოში პირადად ბრძანა ექვსი ფრანგი საქველმოქმედო მუშაკისა და მათი ნიგერიელი მძღოლის მკვლელობა.
