შვედეთში კორონავირუსის საწინააღმდეგო ვაქცინას 12-15 წლის ასაკის ბავშვებსაც შესთავაზებენ, - ინფორმაციას BBC-ი ავრცელებს.
შვედეთის პრემიერ-მინისტრმა სტეფან ლოფვენმა განაცხადა, რომ სქემა მიმდინარე წლის ბოლოს ამოქმედდება.
ბოლო მონაცემებით, შვედეთში 16 წლის ზემოთ ასაკის მოქალაქეების 80%-ზე მეტს ვაქცინის ერთი დოზა უკვე გაკეთებული აქვს, სრულად ვაქცინირებული კი ამ ასაკის მოსახლეობის 75%-ია.
12 წლის ასაკიდან ბავშვების ვაქცინაცია რამდენიმე ქვეყანაში უკვე დაწყებულია. ევროპულ ქვეყნებში, დანიასა და ესპანეთში ბავშვების უმეტესი ნაწილი ვაქცინის მინიმუმ ერთი დოზით უკვე აცრეს. 12-15 წლის ასაკის მოქალაქეებში ვაქცინის გამოყენების ნებართვა გასცეს გაერთიანებულ სამეფოშიც, სადაც ვაქცინას, უახლოეს მომავალში, ამ ასაკის ყველა ბავშვს სკოლებში შესთავაზებენ.