რუსეთის საპარლამენტო არჩევნებში სამდღიანი ხმის მიცემის პროცესი დაიწყო, - ინფორმაციას რუსული მედია ავრცელებს.

პირველი საარჩევნო უბნები კამჩატკასა და ჩუკოტკაში გაიხსნა.

არჩევნები სამი დღის განმავლობაში : 17 -დან 19 სექტემბრამდე გაიმართება. ქვედა პალატას ხუთი წლით, შერეული სისტემით აირჩევენ: 225 დეპუტატს - პარტიული სიების მიხედვით, დანარჩენ 225-ს კი - ერთმანდატიანი ოლქებიდან.

არჩევნებში 14 პოლიტიკური პარტია მონაწილეობს. პარლამენტში მოსახვედრად პარტიამ 5% -იანი ბარიერი უნდა გადალახოს.

აღსანიშნავია, რომ ეუთომ რუსეთში სადამკვირვებლო მისია არ გააგზავნა. რუსეთის ხელისუფლებამ კორონავირუსის პანდემიის საბაბით არჩევნების მონიტორინგში ჩართული საერთაშორისო დამკვირვებლების რაოდენობაზე შეზღუდვა დააწესა, რის შემდეგაც ეუთომ დამკვირვებლების გაგზავნაზე უარი განაცხადა. ორგანიზაციის დემოკრატიული ინსტიტუტებისა და ადამიანის უფლებების ოფისის ხელმძღვანელმა მატეო მეკაჩიმ განმარტა, რომ მათთვის გადამწყვეტია დამოუკიდებლად განსაზღვრონ დამკვირვებლების საჭირო რაოდენობა.