ლევან ბეჟაშვილი - პარლამენტს მოვუწოდებთ, ნიკა მელიასთვის სადეპუტატო უფლებამოსილების შეწყვეტის საკითხის დაჩქარება არ მოხდეს

პარლამენტს მოვუწოდებთ, ნიკა მელიასთვის სადეპუტატო უფლებამოსილების შეწყვეტის საკითხის დაჩქარება არ მოხდეს, - აღნიშნული განცხადება პარლამენტში "ნაციონალური მოძრაობის" წევრმა ლევან ბეჟაშვილმა გააკეთა.

როგორც ბეჟაშვილმა განმარტა, თუკი ნიკა მელიასთვის სადეპუტატო უფლებამოსილების შეწყვეტის თაობაზე პარლამენტი გადაწყვეტილებას ადგილობრივ არჩევნებამდე, რიგგარეშე სხდომის ფარგლებში მიიღებს, ცალსახა იქნება, რომ "ქართულ ოცნებას" განზრახული აქვს ოპოზიციის მთავარი ლიდერისა და მერობის კანდიდატისთვის დაჩქარებული წესით უფლებამოსილების შეწყვეტა.

"ბუნებრივია, აქ პოლიტიკური მდგენელი გამოვლინდება. რეგლამენტის გათვალისწინებით, არჩევნებამდე პარლამენტის სხდომები არ ტარდება. ჩვენი მოთხოვნაა, საკითხის განხილვა არჩევნების შემდგომ მოხდეს", - განაცხადა ლევან ბეჟაშვილმა.

პარლამენტის საპროცედურო საკითხთა კომიტეტმა სადეპუტატო უფლებამოსილების შეწყვეტაზე ნიკა მელიას წერილობითი განცხადება განიხილა, მისი ნამდვილობა დაადგინა და მიიჩნია, რომ მელიას ვადამდე პარლამენტის წევრის უფლებამოსილება უნდა შეუწყდეს. საბოლოო გადაწყვეტილებას პარლამენტი, უახლოეს პლენარულ სხდომაზე მიიღებს.

ბადრი ბელქანია - უკრაინაში რუსეთის წინააღმდეგ ქართველები სოლიდარობის გარდა იმის გამოც იბრძვიან, რომ მათთვის ამ ომში რუსეთის მარცხი არის შესაძლებლობა საკუთარი ხალხის ბრძოლას დაეხმარონ
ქართული პრესის მიმოხილვა 05.12.2022
კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
კახა ოქრიაშვილი: „ოცნებას“ უკრაინაში გამარჯვების შემდეგ ქართველი პატრიოტების საქართველოში დაბრუნების ეშინია!“
ახალი შესაძლებლობა IT სფეროს წარმომადგენლებისთვის - "Devexperts" უკვე საქართველოშია
2022 წლის საუკეთესო ამერიკული არქიტექტორული კომპანია ბათუმის ხელოვნურ კუნძულზე შენობას დააპროექტებს
როგორ შევარჩიოთ საახალწლო საჩუქარი