ავსტრალიის პოლიციასა და „ლოქდაუნის“ საწინააღმდეგო არასანქცირებული აქციების მონაწილეებს შორის მელბურნსა და სიდნეიში შეტაკებები მოხდა, რის შედეგადაც რამდენიმე პოლიციელი დაშავდა, - ინფორმაციას Reuters-ი ავრცელებს.
სააგენტოს ინფორმაციით, პოლიციამ მელბურნში 235, სიდნეიში კი - 32 დემონსტრანტი დააკავა.
ავსტრალია, კორონავირუსის „დელტა“ ვარიანტის გავრცელებას ივნისის შუა რიცხვებიდან ებრძვის.
ქვეყნის ხელისუფლების გადაწყვეტილებით, ვიქტორიაში, ახალ სამხრეთ უელსსა და კანბერაში არსებული შეზღუდვების უმეტესობა ძალაში დარჩება მანამ, სანამ 16 წლის და უფროსი ასაკის მოსახლეობის სულ მცირე 70% სრულად არ იქნება აცრილი, რაც ვაქცინაციის ამჟამინდელი ტემპის საფუძველზე, შესაძლოა ოქტომბრის ბოლოს ან ნოემბრის დასაწყისში გახდეს შესაძლებელი.