„ქართული ოცნების“ თავმჯდომარის ირაკლი კობახიძის განცხადებით, მისთვის ზოგადად, უინტერესოა და გაუგებარია ის ფურცლები, რომელსაც „დღეს აფრიალებს „ნაციონალური მოძრაობა“ გახარიასთან ერთად“. ასე უპასუხა კობახიძემ ჟურნალისტის კითხვას, როგორ შეაფასებს ფარული ჩანაწერების იმ ნაწილს, სადაც თეა წულუკიანი მას არაადეკვატურს უწოდებს.
„რა კომენტარი უნდა გაკეთდეს ამასთან დაკავშირებით, არც ვიცი. არეულია ტყუილ-მართალი და უბედურება, სისულელე. ამ სისულელეზე კომენტარის გაკეთება არ მგონია რელევანტური “, - აღნიშნავს კობახიძე.
შეგახსენებთ, ინტერნეტ სივრცეში გავრცელდა მასალები, რომელიც, სავარაუდოდ, სუს-ის მიერ ფარული მიყურადების გზით პოლიტიკოსების, სასულიერო პირებისა და ჟურნალისტების მოსმენას და თვალთვალს უკავშირდება.