აზერბაიჯანში, გასული დღე-ღამის განმავლობაში, კორონავირუსით ინფიცირების 2 042 ახალი შემთხვევა დაფიქსირდა. კორონავირუსთან ბრძოლის საოპერაციო შტაბის ინფორმაციის თანახმად, ბოლო 24 საათში ვირუსით 29 ადამიანი გარდაიცვალა.

პანდემიის დაწყების დროიდან აზერბაიჯანში კორონავირუსით ინფიცირების 470 985 შემთხვევა გამოვლინდა, მათგან ვირუსისგან 430 717 პაციენტი გამოჯანმრთელდა, 6 280 კი - გარდაიცვალა.

ბოლო მონაცემებით, აზერბაიჯანში კორონავირუსის საწინააღმდეგო ვაქცინების 7.9 მილიონზე მეტი დოზა გამოიყენეს. სრულად ვაქცინირებულია 3.3 მილიონზე მეტი მოქალაქე.