კახა კახიშვილის განცხადებით, აუცილებელია, დროული და სიღრმისეული გამოძიების ჩატარება, ამავდროულად უნდა შეწყდეს მასალების გამოქვეყნება დაშტრიხვის გარეშე, იდენტიფიცირების შესაძლებლობით

„ქართული ოცნების“ წევრი კახა კახიშვილი აცხადებს, რომ ე.წ. ფარული ჩანაწერები გარკვეულ ნაწილში შესაძლოა ავთენტურია, მაგრამ აღნიშნულს, შესაძლოა, არაავთენტური მასალაც დაემატოს.

როგორც კახა კახიშვილმა „პალიტრანიუსის“ გადაცემაში „360 გრადუსი“ განაცხადა, აუცილებელია, გამოძიების დროული და სიღრმისეული ჩატარება, ამავდროულად უნდა შეწყდეს მასალების გამოქვეყნება დაშტრიხვის გარეშე, ინდენტიფიცირების შესაძლებლობით.

„პირველ რიგში, გასარკვევია საიდანაა, ავთენტურია თუ არა. ნამდვილად ბევრმა ადამიანმა ამოიცნო. ე.ი. რაღაც ნაწილში ავთენტურია, მაგრამ ჩვენ ისიც უნდა გავითვალისწინოთ, რომ ავთენტურ მასალას შეიძლება, დაემატოს არაავთენტური. ავთენტურ მასალას უბრალოდ მატარებლის ფუნქცია ექნება და არაავთენტურიც გაჰყვება. ეს, რა თქმა უნდა, ჩემი აზრით, უმოკლეს ვადაშია გამოსაძიებელი. მოლოდინიც მაქვს და მოთხოვნაცაა ასეთი, რომ აუცილებლად უნდა იყოს გამოძიებული სკრუპულოზურად და ყველა ადამიანმა, ვინც მიიღო მონაწილეობა ამაში, ალბათ, პასუხიც უნდა აგოს.

მეორე საკითხია, როდესაც დღეს, 2-3 კვირის მანძილზე და ჩვენ არ ვიცით კიდევ არჩევნებამდე რა მასალები გამოქვეყნდება და რა სიმძიმის მასალები გამოქვეყნდება. ჩვენ ხომ ლოგიკა გვაქვს, ჩვენ ხომ კარგად გვესმის, ახლა, ყველაზე მძიმე არტილერია იქნება უკვე არჩევნების პერიოდში იმიტომ, რომ აშკარაა, ეს მასალები იყო ზუსტადაც გამოქვეყნებული საარჩევნო მიზნებისთვის“, - განაცხადა კახა კახიშვილმა.

ალექსანდრე თვალჭრელიძე - არაფერი შეცვლილა, ჩვენ ვფართხალებთ, ვაქტიურობთ,  მაგრამ პოლიტიკური მატარებელი როგორც მუშტაიდის ბაღში, წრეზე დარბის
ქართული პრესის მიმოხილვა 25.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
კახა ოქრიაშვილი - ბატონი სააკაშვილი ჰიტლერი რომ ყოფილიყო, 2011 წელს, როცა ბიძინა ივანიშვილმა პოლიტიკაში მოსვლის შესახებ განაცხადა, ყველა მხუთავი აირის კამერაში მოხვდებოდა