რუსეთში, პერმის მხარეში, უნივერსიტეტში მომხდარი ტრაგიკული თავდასხმის გამო, სამშაბათი დღე გლოვის დღედ გამოცხადდა, - ინფორმაციას რუსული მედია ავრცელებს.
მათივე ინფორმაციით, თავდასმის დროს დაშავებული 7 პირი სამკურნალოდ პერმიდან მოსკოვში გადაჰყავთ.
შეგახსენებთ, რომ პერმის უნივერსიტეტში შეიარაღებული თავდასხმა გუშინ მოხდა, რის შედეგადაც დაიღუპა 6 და დაშავდა 24 ადამიანი. 20 დაშავებული კვლავ საავადმყოფოებში რჩება. გავრცელებული ინფორმაციით, ჰოსპიტალიზებულია თავდამსხმელი, რომელიც დაკავების დროს დაიჭრა.