ლანა გალდავა - ხელისუფლება არჩევნების წინ პატიმრებისთვის გრძელვადიანი პაემნების უფლების აღდგენას, საარჩევნო მიზნით, ამორალურად იყენებს

,,ქართულმა ოცნებამ", როგორც ყოველთვის, პატიმრების კუთვნილი უფლება წინასაარჩევნო მოსყიდვად გამოიყენა , - ამის შესახებ „ლელოს" ისნის მაჟორიტარი დეპუტატობის კანდიდატის ლანა გალდავას მიერ სოციალურ ქსელში გამოქვეყნებულ განცხადებაშია აღნიშნული, რითაც გალდავა პენიტენციურ დაწესებულებაში ხანგრძლივ პაემნებთან დაკავშირებით შეზღუდვების მოხსნას გამოეხმაურა.

გალდავას თქმით, პატიმრების ოჯახების ხმების მიღების სანაცვლოდ, 27 სექტემბერს - არჩევნებამდე ხუთი დღით ადრე, პატიმრებს ოჯახებთან შეხვედრის უფლებას აღუდგენენ, რაც საარჩევნო მიზნებისთვის ადამიანების პირადი ცხოვრებით მანიპულირების ერთ-ერთი ფორმაა.

„არჩევნებამდე ათი დღით ადრე, ,,სპეციალურმა პენიტენციურმა სამსახურმა" გადაწყვიტა, რომ 27 სექტემბრიდან ყველა პენიტენციურ დაწესებულებაში მოხსნას შეზღუდვა ხანგრძლივ პაემნებთან დაკავშირებით. შეგახსენებთ, რომ წელიწადი და შვიდი თვეა ბრალდებულები/მსჯავრდებულები არიან სრულ იზოლაციაში. ,,ლელო" მუდმივად ითხოვდა ზემოაღნიშნულ პირებთან ფსიქოლოგთა დაშვებას, რეაბილიტაციის პროგრამებში მათ ჩართულობას, პირობით ვადაზე ადრე გათავისუფლების კომისიის ფუნქციონირებას, ხანგრძლივი პაემნების უფლების აღდგენას, რისკ ჯგუფებში მყოფი პატიმრების გათავისუფლებას, ამნისტიის შესახებ მსჯელობის დაწყებას... ,,ქართულმა ოცნებამ", როგორც ყოველთვის, პატიმრების კუთვნილი უფლება გამოიყენა წინასაარჩევნო მოსყიდვად. სწორედ პატიმრების ოჯახების ხმების მიღების სანაცვლოდ, ასეთი ცინიკური ფორმით, 27 სექტემბერს, არჩევნებამდე ხუთი დღით ადრე აღუდგენს ოჯახებთან შეხვედრის უფლებას. ზემოაღნიშნული სხვა არაფერია, თუ არა ადამიანების პირადი ცხოვრებით მანიპულირების ერთ-ერთი ფორმა საარჩევნო მიზნებისთვის, რომელიც ლოგიკური გაგრძელებაა უკანონო მოსმენების ამორალური და დანაშაულებრივი ჯაჭვის. მივმართავ პატიმართა ოჯახის წევრებს, მოდით არჩევნებზე და შემოხაზეთ პროდასავლური ოპოზიციური პარტიები, რომლებიც დაასრულებენ ამ ქვეყანაში თქვენი პირადი ცხოვრებით ბინძურ მანიპულაციებს საარჩევნოდ ხმის მიტანის მიზნით", - ნათქვამია გალდავას განცხადებაში.

ალექსანდრე თვალჭრელიძე - არაფერი შეცვლილა, ჩვენ ვფართხალებთ, ვაქტიურობთ,  მაგრამ პოლიტიკური მატარებელი როგორც მუშტაიდის ბაღში, წრეზე დარბის
ქართული პრესის მიმოხილვა 21.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
კახა ოქრიაშვილი - ბატონი სააკაშვილი ჰიტლერი რომ ყოფილიყო, 2011 წელს, როცა ბიძინა ივანიშვილმა პოლიტიკაში მოსვლის შესახებ განაცხადა, ყველა მხუთავი აირის კამერაში მოხვდებოდა
ფესტივალი „მუსიკა შენს ფანჯრებთან“ ერთი დღით „თბილისი მარიოტის" ღია ეზოში ბრუნდება
ჯანდაცვის ასი ექსპერტი WHO-ს მიმართავს
„სინერჯი” „აიტექნიკსის“ პარტნიორი-მეწილე გახდა
"ტერაბანკი" ბიზნესს მრავალფეროვან სატარიფო პაკეტებს სთავაზობს