ადამიანის უფლებათა ევროპული სასამართლოს დასკვნები ყოფილი ფედერალური უსაფრთხოების სამსახურის (FSB) ოფიცრის, ალექსანდრე ლიტვინენკოს გარდაცვალების შესახებ უსაფუძვლოა, - ამის შესახებ კრემლის პრესსპიკერმა დიმიტრი პესკოვმა განაცხადა.
”ჯერჯერობით არ არსებობს გამოძიების შედეგები, ამიტომ ასეთი განცხადებების გაკეთება მინიმუმ უსაფუძვლოა. ჩვენ არ ვართ მზად, ასეთ გადაწყვეტილებებს მოვუსმინოთ”, - აღნიშნა პესკოვმა.
შეგახსენებთ, ადამიანის უფლებების ევროპული სასამართლოს გადაწყვეტილებით, ყოფილი აგენტის, ალექსანდრე ლიტვინენკოს მკვლელობაზე პასუხისმგებლობა რუსეთს ეკისრება. სასამართლომ რუსეთს ლიტვინენკოს ქვრივისთვის მორალური ზიანის ასანაზღაურებლად 100 000 ევროს, სხვა ხარჯებისთვის კი - 22 500 ევროს გადახდა დააკისრა.