გენერალური ასამბლეის წინაშე სიტყვით გამოსვლისას გაეროს გენერალურმა მდივანმა ანტონიო გუტერეშმამსოფლიოში არსებულ ზოგად გლობალურ სურათზე ისაუბრა. მან Covid-19 ვაქცინის უთანასწორო გავრცელება და კლიმატურ კრიზისზე რეაგირება მკვეთრად გააკრიტიკა.
გუტერეშმა აღნიშნა, რომ მდიდარი ქვეყნების უმრავლესობა აცრილია, ხოლო აფრიკელთა 90% -ზე მეტი ჯერ კიდევ ელოდება პირველ დოზას. ,,ეს არის ჩვენი სამყაროს მორალური მდგომარეობა და სიხარბე. ჩვენ წარმატებით ვაბარებთ გამოცდას მეცნიერებაში, თუმცა ეთიკაში - ვერა“.
გუტერეშმა კლიმატური კრიზისის მოგვარების გადაუდებელ აუცილებლობას გაუსვა ხაზი და აღნიშნა, რომ კლიმატის ცვლილების მთავრობათაშორისი პანელის (IPCC) ანგარიშის მიხედვით ტემპერატურის მატება უფრო სწრაფად მოხდება, ვიდრე ამას ვარაუდობდნენ.
”ჩვენ ვხედავთ გამაფრთხილებელ ნიშნებს ყველა კონტინენტსა და რეგიონში. მაღალი ტემპერატურა, ბიომრავალფეროვნების შემცირება, დაბინძურებული ჰაერი, წყალი, ბუნებრივი სივრცეები და ბუნებრივი კატასტროფების გაზრდილი რაოდენობა ყოველ ჯერზე”,-აღნიშნა გუტერეშმა.
გაეროს გენერალური მდივნის ანტონიო გუტერეშის თქმით, გაეროს კონფერენცია კლიმატური ცვლილებების თემაზე გლაზგოში ნოემბერში ჩატარდება.