ებრაჰიმ რაისი -  ირანს ბირთვული შეთანხმების შესახებ მოლაპარაკებების განახლება სურს

ირანს სურს, განაახლოს ბირთვული მოლაპარაკებები მსოფლიო ძალებთან, რაც აშშ – ის სანქციების მოხსნას გამოიწვევდა, - ამის შესახებ ირანის პრეზიდენტმა, ებრაჰიმ რაისმა გაერო-ს გენერალური ასამბლეის 76-ე სესიის გახსნით სხდომაზე სიტყვით გამოსვლისას განაცხადა.

”ისლამური რესპუბლიკა მოლაპარაკებებს, რომლის საბოლოო შედეგი სასტიკი სანქციების მოხსნაა, სასარგებლოდ მიიჩნევს. აშშ-ის „მაქსიმალური ჩაგვრის“ პოლიტიკა კვლავ გრძელდება. ჩვენ არაფერი გვინდა გარდა იმისა, რაც კანონიერად ჩვენია. ჩვენ ვითხოვთ საერთაშორისო წესების განხორციელებას. ყველა მხარე უნდა დარჩეს ბირთვული შეთანხმების და გაეროს რეზოლუციის ერთგული პრაქტიკაში,“ აღნიშნა რაისმა.

მისი თქმით, შეერთებულ შტატებს "არა აქვს სანდოობა ჰეგემონიის განსახორციელებლად".

"კაპიტოლიუმიდან დაწყებული ქაბულით დამთავრებული ერთი მკაფიო გზავნილი გაეგზავნა მსოფლიოს: შეერთებული შტატების ჰეგემონიურ სისტემას არა აქვს სანდოობა, ქვეყნის შიგნით თუ მის გარეთ,” - აღნიშნა რაისმა.

შეგახენებთ, 2015 წლის ირანის ბირთვულ შეთანხმებაზე მოლაპარაკებები ამჟამად შეწყვეტილია და მხარეებს ჯერჯერობით არ განუცხადებიათ, როდის გაიმართება მოლაპარაკებების შემდგომი რაუნდი.

ალექსანდრე თვალჭრელიძე - არაფერი შეცვლილა, ჩვენ ვფართხალებთ, ვაქტიურობთ,  მაგრამ პოლიტიკური მატარებელი როგორც მუშტაიდის ბაღში, წრეზე დარბის
ქართული პრესის მიმოხილვა 25.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
კახა ოქრიაშვილი - ბატონი სააკაშვილი ჰიტლერი რომ ყოფილიყო, 2011 წელს, როცა ბიძინა ივანიშვილმა პოლიტიკაში მოსვლის შესახებ განაცხადა, ყველა მხუთავი აირის კამერაში მოხვდებოდა