“ლელოს” თბილისის მერობის კანდიდატის ანა ბიბილაშვილის განცხადებით, ოპონენტებმა ბუნდოვანი პასუხი გასცეს მის მიერ დასმულ კითხვას, თუ რა განასხვავებს პარტია „საქართველოსთვის“ თავმჯდომარე გიორგი გახარიასა და „ქართული ოცნების“ მერობის კანდიდატს კახა კალაძეს ერთმანეთისგან.

როგორც ბიბილაშვილი აღნიშნავს, გახარიამ და კალაძემ კითხვის შინაარსი მხოლოდ ვიზუალურ მხარეს დაუკავშირეს და მათი პარტიული შესაძლო მსგავსების შესახებ დასმულ კითხვაზე პასუხს თავი აარიდეს.

“ლელოს” აქვს მასშტაბური ხედვა, რა სჭირდება დედაქალაქს, ეს არ არის მხოლოდ ბრჭყვიალა პრეზენტაცია. კითხვა მაქვს “ქართულ ოცნებასთან”, თავად გადაწყვიტონ კალაძე მიპასუხებს თუ გახარია, ეს არის ერთი ძალა, რომელმაც ამ ქვეყანას სერიოზული პრობლემა მოუტანა, რომელმაც ადამიანებს უღალატა. ასეთი კითხვა მაქვს მათთან, რა განსხვავებაა მათ შორის? მე ვერ ვხედავ ფუნდამენტურ განსხვავებას იმიტომ, რომ ისინი ჩვენთვის ერთი გუნდის წევრები არიან. თუ ფიქრობენ, რომ ხალხს რამდენიმეთვიანი მეხსიერება აქვს, ცდებიან“,- განაცხადა ბიბილაშვილმა.