ბრაზილიის ჯანდაცვის მინისტრს მარსელო ქიუროგას, რომელიც ბრაზილიის მთავრობის სხვა წევრებთან ერთად გაეროს გენერალურ ასამბლეასთან დაკავშირებით ნიუ-იორკში იმყოფება, კორონავირუსი დაუდასტურდა, - ინფორმაციას The Guardian-ი ავრცელებს.

ბრაზილიის მთავრობაში აცხადებენ, რომ მინისტრის ჯანმრთელობის მდგომარეობა დამაკმაყოფილებელია და ის იზოლაციაშია. მარსელო ქიუროგას ვირუსი მას შემდეგ დაუდასტურდა, რაც ბრაზილიის პრეზიდენტი, ჟაირ ბოლსონარუ გენერალურ ასამბლეაზე სიტყვით გამოვიდა.

მიმდინარე კვირას პრესასა და სოციალურ ქსელებში რამდენიმე ფოტოსურათი გავრცელდა, სადაც პრეზიდენტი და ჯანდაცვის მინისტრი გვერდიგვერდ დგანან სხვადასხვა ღონისძიების დროს.

ჟაირ ბოლსონარუ, რომელმაც ვირუსი გასულ წელს გადაიტანა, ვაქცინირებული არ არის.