დავით სერგეენკო - ევროკავშირში საქართველოს ელჩის დაბარება არ ნიშნავს იმას, რომ კონვენციის დადასტურებულ დარღვევას აქვს ადგილი - პოლიტიკურად სასიცოცხლოდ მნიშვნელოვანია გამოძიებამ სწრაფად დადოს შედეგები

ის, რომ ევროკავშირში საქართველოს ელჩი დაიბარეს, ეს არ ნიშნავს იმას, რომ კონვენციის დადასტურებულ დარღვევას აქვს ადგილი - პოლიტიკურად სასიცოცხლოდ მნიშვნელოვანია გამოძიებამ სწრაფად დადოს შედეგები, - ასე ეხმიანება საპარლამენტო უმრავლესობის წევრი, ვიცე - სპიკერი დავით სერგეენკო ჟურნალისტებთან ე.წ. ფარულ მოსმენებთან დაკავშირებით ევრომავშირის ელჩის, კარლ ჰარცელის განცხადებას.

მისი თქმით, მსგავსი საკითხების მიმართ ზოგადად, ინსტიტუციები და მით უმეტეს ევროკავშირი დიდ ყურადღებას და სიფრთხილეს იჩენს.

„რაც ე.წ. უკანონო მოსმენების საქმე საინფორმაციო სივრცეში დომინანტია, რა თქმა უნდა, რეზონანსული საკითხია და აქ ნახსენები იყო მთელი ინსტიტუციები. ევროკავშირის ეს ნაბიჯი ერთი მხრივ გასაგებია, მაგრამ მეორე მხრივ, ხაზგასასმელია, აუცილებელია, რომ დადასტურდეს უტყუარად, აქედან რა იყო მართალი და რა ტყუილი. გამოძიება მიმდინარეობს და კიდევ ერთხელ მინდა ხაზგასმით ვთხოვო გამოძიებას, მაქსიმალურად შემჭიდროებულ ვადებში უტყუარი ინფორმაცია გამოაქვეყნონ საზოგადოებრივი ინტერესის გამო.

რა თქმა უნდა, როცა ასეთი საკითხი ეხება ინსტიტუციებს, ეს ინსტიტუციები და მით უმეტეს, ევროკავშირი ყოველთვის სიფრთხილეს და მაქსიმალურ ყურადღებას იჩენს ამ საკითხებისადმი,"- განაცხადა სერგეენკომ.

საქართველოში ევროკავშირის ელჩის კარლ ჰარცელის განცხადებით, ევროკავშირი ბუნებრივად არ მიიჩნევს იმ ფაქტს, რომ საქართველო, რომელიც ევროკავშირის ახლო მეგობარი და პარტნიორია, მსგავსი სახის აქტივობაში იყოს ელჩების წინააღმდეგ ჩართული. მისი განმარტებით, ეს კითხვის ნიშნებს აჩენს ვენის კონვენციიდან გამომდინარე, რომელიც აწესრიგებს დიპლომატიურ ურთიერთობებს. როგორც კარლ ჰარცელმა აღნიშნა, სწორედ ფარულ ჩანაწერებთან დაკავშირებით იყო გუშინ ბრიუსელში ევროკავშირის სათავო ოფისში დაბარებული საქართველოს ელჩი ევროკავშირში.

იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
ქართული პრესის მიმოხილვა 18.10.2021
ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს