გიგა ბოკერია - საქართველოს არ ყავს პრემიერი და მთავრობა, რომელიც გამოიყენებს გაეროს ასამბლეას საერთაშორისო ინტერესების დასაცავად

ამ ტიპის რეპუტაციაშელახულ ლიდერს, ივანიშვილის პოლიტიკურ თოჯინა ღარიბაშვილს გაუჭირდება ამ შანსის გამოყენებაც კი და ეს ძალიან სიმპტომატურია და აჩვენებს როგორი ხიფათის ქვეშ ვართ, რომ არ გვყავს პრემიერ-მინისტრი და მთავრობა, რომელსაც ასეთი ფორუმების გამოყენება შეუძლია შეხვედრების მისაღწევად ჩვენს სტრატეგიულ პარტნიორებთან, - ამის შესახებ „ევროპული საქართველოს“ თავმჯდომარე გიგა ბოკერიამ განაცხადა.

ბოკერიას თქმით, საქართველოს სასწრაფოდ სჭირდება „სხვა ტიპის მთავრობა“.

„ჩვენი ქვეყნის ინტერესშია ყოველთვის და ასე იყო წლების წინ, რომ გაეროს ასამბლეა მნიშვნელოვანი ტრიბუნაა, მაგრამ ზოგჯერ კიდევ უფრო მნიშვნელოვანია ამ ღონისძიების დროს სტრატეგიულ პარტნიორებთან ორმხრივი შეხვედრები და ყველა ეფექტური ხელმძღვანელი თავისი ქვეყნის, მითუმეტეს, ისეთი გამოწვევების მქონე ქვეყნის, როგორიც საქართველოა ამით უნდა სარგებლობდეს, ჩემთვის უცნობია თუ როგორია ღარიბაშვილის განრიგი, მაგრამ ყველა მონაცემი რაც ჯერჯერობით გვაქვს და პროგნოზიც ასეთი იყო, რომ ამ ტიპის რეპუტაციაშელახულ ლიდერს, ივანიშვილის პოლიტიკურ თოჯინას გაუჭირდება ამ შანსის გამოყენებაც კი. ეს ძალიან სიმპტომატურია და აჩვენებს როგორი ხიფათის ქვეშ ვართ, რომ არ გვყავს პრემიერ-მინისტრი და მთავრობა, რომელსაც ასეთი ფორუმების გამოყენება შეუძლია შეხვედრების მისაღწევად ჩვენს სტრატეგიულ პარტნიორებთან, ამიტომ ჩვენ სწრაფად გვჭირდება სხვა ტიპის მთავრობა შემდეგ გაეროს ასამბლეაზე, რომელიც ჩვენს საერთაშორისო ინტერესების დაცვას შეძლებს და რომელსაც ეს ამოცანა გააჩნია“, - განაცხადა ბოკერიამ.

ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
გრიგორი კუკურუზა - ომით მიყენებული ზარალი დაახლოებით 1,1-1,2 ტრილიონ აშშ დოლარს შეადგენს - უკრაინას იმედი აქვს, რომ ქვეყნის აღსადგენად სახსრებს აგრესორი რუსეთისგან მიიღებს
ქართული პრესის მიმოხილვა 28.11.2022
რეალური შავი პარასკევი „ჰუალინგ პლაზაში“ – გაიგეთ შეთავაზების დეტალები
„სმარტ კაპიტალმა“ ედიშერ და გიგი გარაყანიძეების სახელობის სტიპენდიატები დააჯილდოვა
პეტროკას ენერჯი ჯგუფი და სანპეტროლიუმ ჯორჯია განცხადებას ავრცელებენ