ბადრი ჯაფარიძე კახა კალაძეზე - დებატებზე მან გამოიჩინა მიუტევებელი თავშეუკავებლობა

პარტია „ლელო საქართველოსთვის“ერთ-ერთი ლიდერის ბადრი ჯაფარიძის განცხადებით, საქართველოს პირველ არხზე გამართულ თბილისის მერობის კანდიდატების დებატებზე „ქართული ოცნების“ მერობის კანდიდატმა კახა კალაძემ “მიუტევებელი თავშეუკავებლობა გამოიჩინა”.

როგორც ჯაფარიძემ აღნიშნა, ზოგადად, დებატები არც ისე კარგი ფორმატის იყო იმ თვალსაზრისით, რომ ყველა კანდიდატის ერთობლივად ჩართვა დებატებში არაეფექტურია.

„ჯერ ერთი, შეუძლებელია ყველა კანდიდატმა თავისი უნარები და შესაძლებლობები გამოაჩინოს ისეთ მასშტაბურ დებატებში, როდესაც 16 კანდიდატია. მეორე - ჩემი აზრით, იქ კარგად წარმოჩინდა „ლელოს“ წარმომადგენელი, რომელიც სწორედ ფოკუსირებული იყო იმ საქმეებზე, რომლის გაკეთებასაც აპირებს „ლელო“ და მისი მერობის კანდიდატი. რაც შეეხება მოქმედ მერს, ჩემი აზრით, მან გამოიჩინა მიუტევებელი თავშეუკავებლობა იმ კრიტიკული შენიშვნის მიმართ, რომელიც ერთ-ერთი ოპოზიციური პარტიის კანდიდატმა წარმოადგინა. მთლიანობაში, უნდა გითხრათ, რომ ეს ფორმატი არ არის ეფექტური, გაცილებით უკეთესი ფორმატი იქნებოდა, როდესაც უფრო შეზღუდული რაოდენობის კანდიდატები იღებენ მონაწილეობას“, - აცხადებს ბადრი ჯაფარიძე.

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 18.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს