გერმანია კარანტინში მყოფ არავაქცინირებულ დასაქმებულებს კომპენსაციას აღარ გადაუხდის

გერმანია არავაქცინირებულ დასაქმებულებს, რომლებიც იძულებულები გახდებიან, კარანტინში გადავიდნენ, კომპენსაციას აღარ გადაუხდის, - ამის შესახებ გერმანიის ჯანდაცვის მინისტრმა იენს შპანმა განაცხადა.

მისივე თქმით, უსამართლოა, გადასახადების გადამხდელებს იმ ადამიანის დახმარება სთხოვო, მათ, ვინც უარს იტყვის ვაქცინაციაზე.

ჯანდაცვის მინისტრის განმარტებით, წესები, რომელსაც გერმანიის 16 ფედერალური შტატის ადგილობრივი მთავრობები განახორციელებენ, ძალაში შევა არაუგვიანეს 11 ოქტომბრისა.

ვაქცინაცია გერმანიაში სავალდებულო არ არის, მაგრამ ხელისუფლება იღებს ისეთ ზომებს, რომელიც სულ უფრო მეტ დისკომფორტს ქმნის არავაქცინირებულებისთვის. აღსანიშნავია, რომ კოვიდ -19-ზე ტესტის ჩატარება, რაც აუცილებელია მაგალითად, დახურული ტიპის რესტორნებში შესასვლელად, 11 ოქტომბრიდან ფასიანი ხდება.

ასევე, ზოგიერთი გერმანიის შტატი საშუალებას აძლევს ბიზნესს, როგორიცაა რესტორნები ან სპორტული სტადიონები, აირჩიოს მიიღოს თუ არა კოვიდტესტზე უარყოფითი პასუხის დამადასტურებელი საბუთის მქონე მოქალაქეები, თუ მხოლოდ ისინი, ვინც აცრილია, ან ვირუსისგან გამოჯანმრთელდა.

ოფიციალური მონაცემების თანახმად, გერმანიაში ზრდასრული მოსახლეობის 74%-ი სრულადაა ვაქცინირებული.

იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
ქართული პრესის მიმოხილვა 18.10.2021
ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს