რუსეთის საგარეო უწყება - გაეროს გენერალურ ასამბლეაში მონაწილეობისთვის რუსი დეპუტატისთვის აშშ-ს ვიზის უარყოფა, უპასუხოდ არ დარჩება

ვაშინგტონის უარი ვიზის გაცემაზე რუსეთის ფედერაციის სახელმწიფო დუმის საგარეო საქმეთა კომიტეტის თავმჯდომარე ლეონიდ სლუცკისთვის არის საერთაშორისო სამართლის უხეში დარღვევა და ეს უპასუხოდ არ დარჩება , - ნათქვამია რუსეთის საგარეო საქმეთა სამინისტროს განცხადებაში.

რუსეთის საგარეო საქმეთა სამინისტრომ აღნიშნა, რომ დიდი ხანია, რაც აშშ -ის ხელისუფლება მიზანმიმართულ ხაზს მიჰყვება.

მათი თქმით, ვაშინგტონი რუსეთის წარმომადგენლებისთვის, რომლებიც გაეროს შტაბ -ბინაში, ნიუ-იორკში მიემგზავრებიან, ვიზების გაცემის პროცესს აფერხებს.

”ეს არის აღმაშფოთებელი თვითნებობის მაგალითი და საერთაშორისო სამართლის აბსოლუტურად მიუღებელი დარღვევა, რომელიც, რა თქმა უნდა, არ ჩაივლის შესაბამისი პასუხის გარეშე”, - აღნიშნულია განცხადებაში.

რუსეთის საგარეო საქმეთა სამინისტრომ ხაზგასმით აღნიშნა, რომ აშშ უხეშად და ბოროტად იყენებს გაეროს შტაბ -ბინაში მასპინძლობის პრივილეგიას.

რუსეთის ფედერაციის სახელმწიფო დუმის საგარეო საქმეთა კომიტეტის თავმჯდომარე სლუტსკიმ ჟურნალისტებს ადრე განუცხადა, რომ ის იყო ერთადერთი რუსი დელეგატი, რომელსაც ვიზა არ ჰქონდა მიღებული. დეპუტატმა არ გამორიცხა, რომ აღნიშნული მისი გვარის აშშ -ის შავ სიებში ყოფნით შეიძლება ყოფილიყო გამოწვეული.

ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
გრიგორი კუკურუზა - ომით მიყენებული ზარალი დაახლოებით 1,1-1,2 ტრილიონ აშშ დოლარს შეადგენს - უკრაინას იმედი აქვს, რომ ქვეყნის აღსადგენად სახსრებს აგრესორი რუსეთისგან მიიღებს
ქართული პრესის მიმოხილვა 28.11.2022
PSP განცხადებას ავრცელებს