ალჟირი მაროკოს საჰაერო სივრცეს უხურავს
ალჟირი მაროკოს ყველა თვითმფრინავისთვის საჰაერო სივრცეს ხურავს, - მედიის ინფორმაციით, ამის შესახებ ალჟირის პრეზიდენტის ადმინისტრაციამ განაცხადა.
მათივე ინფორმაციით, გადაწყვეტილება ორ მეზობელს შორის დასავლეთ საჰარას საკითხზე არსებულ უთანხმოებას უკავშირდება.
„ეს გადაწყვეტილება მიღებულია მაროკოს მხრიდან პროვოკაციების და მტრული პრაქტიკის გათვალისწინებით და ეხება ყველა სამოქალაქო და სამხედრო თვითმფრინავს, ასევე მათ, რომლებიც მაროკოში არიან რეგისტრირებული,“- აღნიშნულია ალჟირის პრეზიდენტის ადმინისტრაციის მიერ გავრცელებულ განცხადებაში.
შეგახსენებთ, მიდინარე წლის 24 აგვისტოს ალჟირმა მაროკოსთან დიპლომატიური ურთიერთობები გაწყვიტა.
