წინასწარი მონაცემებით, ან-26 ტიპის თვითმფრინავში, რომელმაც ხაბაროვსკის ოლქში კატასტროფა განიცადა, არცერთი მგზავრი არ გადარჩენილა, - რუსული მედიის ინფორმაციით, ამის შესახებ მათ საგანგებო სიტუაციების სამსახურების წარმომადგენელმა განუცხადა.
მანამდე, რუსეთის საგანგებო სიტუაციების სამინისტრომ გაავრცელა ინფორმაცია, რომ მაშველებმა თვითმფრინავის ნამსხვრევებს მიაკვლიეს.
შეგახსენებთ, ან-26 ტიპის თვითმფრინავი, რომელიც ტექნიკურ ფრენას ახორციელებდა, რადარებიდან გუშინ გაუჩინარდა. გავრცელებული ინფორმაციით, თვითმფრინავში 6 ადამიანი იმყოფებოდა.