თბილისში, ძლიერი წვიმის შედეგად გამოწვეული სხვადასხვა სახის პრობლემების გამო საგანგებო სიტუაციების მართვის სამსახურში რამდენიმე შეტყობინება შევიდა.
როგორც „ინტერპრესნიუსს“ საგანგებო სიტუაციების მართვის სამსახურში განუცხადეს, თითოეულ შეტყობინებაზე სამაშველო სამსახური შესაბამის რეაგირებას ახდენს.
სოციალურ ქსელში ვრცელდება კადრები, სადაც ჩანს, რომ ძლიერმა წვიმამ ქალაქის რამდენიმე ლოკაციაზე პრობლემები შექმნა. კადრების თანახმად, სხვადასხვა ტერიტორიზე დაიტბორა გზები. ასევე ვრცელდება კადრები მზიურის პარკიდან, სადაც ბილიკზე წყლის ნიაღვარი მოედინება.