მიხეილ სარჯველაძე - კარლ ჰარცელს მელიასთვის უნდა ეთქვა: მელია, გაჩერდი და ასე ნუ იქცევი - ვის რა როლი აქვს ამ სპექტაკლში, ჰარცელს, ჯაფარიძეს, მელიას, ადგნენ და ერთმანეთში არკვიონ

ვის რა როლი აქვს ამ სპექტაკლში, ჰარცელს, ჯაფარიძეს, მელიას და ა.შ. ეს ადგნენ და ერთმანეთში არკვიონ, - ასე პასუხობს ადამიანის უფლებათა კომიტეტის თავმჯდომარე მიხეილ სარჯველაძე გუშინ, ევროკავშირის წარმომადგენლობასთან ნიკა მელიასა და ირაკლი კობახიძეს შორის მომხდარი ინციდენტის შემდეგ განვითარებულ მოვლენებზე „ლელოს“ ლიდერის, ბადრი ჯაფარიძის განცხადებას.

სარჯველაძის თქმით, კარლ ჰარცელს მელიასთვის უნდა მოეწოდებინა, რომ მსგავსი ქცევებისგან თავი შეიკავოს.

„იმის ნაცვლად, რომ გამოვიდნენ და თქვან, რაც მელიამ იკადრა, ეს არის წარმოუდგენელი რამო, ამის ნაცვლად, ალტერნატიულ ვერსიებს და საყურადღებო ცენტრებს ქმნიან, რატომ? ვის რა როლი აქვს, ვერ გეტყვით, მაგრამ თუ ვინმეს არ უნდა ამ ქვეყანაში ასეთი დაძაბულობის კერები იქმნებოდეს, უნდა გამოვიდეს და უთხრას - მელია, გაჩერდი და ასე ნუ იქცევი. მათ შორის, მელიასთვის უნდა ეთქვა ეს (ჰარცელს) და თავს იკავებს“, - განაცხადა სარჯველაძემ.

კითხვაზე. რას მიანიშნებს და რა როლი უნდა ჰქონდეს კარლ ჰარცელს ყველაფერში, სარჯველაძე არ აკონკრეტებს.

„არ ვიცი. როგორ დაიდგა, რა როლი აქვს, კარგად გაიგეთ რაც ვთქვი, ვის რა როლი აქვს ამაში და როგორ იღებდა მონაწილეობას, მე ვერ გეტყვით. რას ჰქვია მივანიშნებ? არ ვიცი, ვინ როგორ მონაწილეობდა იმაში, რაც ვიხილეთ, რომელიც იყო სრულიად ამაზრზენი,“ - განაცხადა სარჯველაძემ.

ცნობისათვის, "ლელოს" ლიდერმა ბადრი ჯაფარიძემ "პალიტრანიუსის" გადაცემა " "თავისუფალ სტუდიაში" განაცხადა, რომ ევროკავშირის ოფისში შეხვედრისას, მას შემდეგ რაც მელიასა და კობახიძეს შორის დაპირისპირებას ჰქონდა ადგილი და ადგილზე ქართული ოცნების" აქტივისტები მივიდნენ, კარლ ჰარცელი პირდაპირ ხაზზე იმყოფებოდა შსს- თან, რათა ოპოზიციონერ პოლიტიკოსებს უსაფრთხოდ დაეტოვებინათ ევროკავშირის წარმომადგენლობა, თუმცა, ჰარცელმა უსაფრთხოების გარანტიები ვერ მიიღო.

გიორგი კანაშვილი - თუ ოპოზიციამ ვერ მოახერხა დამატებითი ამომრჩევლის გამოყვანა, ხოლო „ოცნებამ“ სულ მცირე იგივე რაოდენობა გამოიყვანა, რაც პირველ ტურში, შედეგი ოპოზიციისთვის  მძიმე იქნება
ქართული პრესის მიმოხილვა 28.10.2021
ჰუმანური შრომითი პოლიტიკა - რას ნიშნავს შრომით ბაზარზე გამოჩენილი ახალი ტენდენცია
ხათუნა ბურკაძე - დიდი სტრატეგიის შემუშავებით შევძლებთ ქვეყნის ინტერესების უზრუნველყოფას
გაიაქტიურეთ "სილქფესტის" საშემოდგომო შეთავაზებები შეუზღუდავად
მიიღე განსაკუთრებული შეთავაზებები მხოლოდ ოფიციალური Samsung-ის შეძენისას
BDO: ყველაზე ცნობადი ბრენდი საქართველოს ბიზნეს საკონსულტაციო კომპანიების ბაზარზე
„მიჰაუსში“ ჰელოუინთან დაკავშირებით დიდი ფასდაკლება დაიწყო
ამბასადორი ბათუმი აილენდი მულტიფუნქციური ხელოვნური კუნძულის მშენებლობისთვის ტექნიკურ კვლევებს აწარმოებს
თბილისი აუთლეტ ვილიჯი ცენტრალური და აღმოსავლეთ ევროპის საუკეთესო პროექტად დასახელდა