ვაქცინების მარაგი ქვეყანაში საკმარისია - პოპულარობით „ფაიზერი“ სარგებლობს, შემდეგ „სინოფარმი“ და „სინოვაკი“, - ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ ჟურნალისტებთან საუბრისას განაცხადა.

როგორც გამყრელიძე განმარტავს, ქვეყანა მუშაობს, რომ „ფაიზერის“ დამატებითი დოზები შემოვიდეს.

„ვაქცინების მარაგი ქვეყანაში საკმარისია. დღეს არის დაახლოებით 600 ათასამდე „ფაიზერი“, რომელიც 300 ათასი ადამიანის აცრისთვის საკმარისია. ასევე, ქვეყანა მუშაობს, რომ დამატებით კიდევ შემოიტანოს „ფაიზერი“. საკმარისი რაოდენობით არის „სინოფარმი“ „სინოვაკი“. ისინი პოპულარობით სარგებლობს მოსახლეობაში. ყველაზე პოპულარობით სარგებლობს „ფაიზერი“ შემდეგ „სინოფარმი“ და „სინოვაკი“. ყველა ამ ვაქცინის მარაგი არის. აქტიური ვაქცინაცია უნდა გაგრძელდეს“,- აღნიშნავს გამყრელიძე.